Reëls

Doel

Elke speler moet 1 roofdier en 5 prooi speltekens hê. Die doel van die speletjie is om soveel punte as moontlik te versamel deur jou roofdier te gebruik om soveel as moontlik van die ander spelers se prooi te vang. Om prooi te vang, moet jou roofdier op dieselfde spasie as die prooidier land. Jy mag meer as een prooidier in 'n enkele beurt vang.
JY MOET PROOI HÊ OM TE SPEEL – sodra al jou prooi gevang is, verwyder jy jou roofdier van die bord en jou speel beurt is verby. Jy behou al jou versamelde punte.

Reëls

Begin die speletjie deur jou roofdier op die beginpunt in die hoeke van die bord te plaas en jou prooidiere enige plek op die bord te plaas (voorkeur vir diegene wat eerste hul prooidier op die bord plaas).
Die jongste speler begin, en dan beweeg die spel kloksgewys voort.
Om te beweeg, moet jy albei dobbelstene gooi. Jy allokeer een dobbelsteen vir jou roofdier se beweging en een dobbelsteen vir jou prooi se beweging. Die roofdier beweeg die aantal spasies wat op die een dobbelsteen aangedui word. Jy kan enige aantal van jou prooidiere beweeg om saam die totaal van die ander dobbelsteen se waarde te maak. Byvoorbeeld, as jy ‘n 5 gooi, kan jy 1 prooidier 5 spasies beweeg, OF 5 prooidiere elk 1 spasie, of enige ander kombinasie wat 5 spasies in totaal opmaak te beweeg.
Met elke beurt moet jy beide jou roofdier en minstens 1 prooidier skuif. Jy kan nie ‘n beurt oorslaan nie. Jy mag nie minder beweeg as die waarde wat op die dobbelsteen aangedui word nie.
Tydens ‘n enkele beurt mag jy nie weer op dieselfde spasie op die bord eindig nie. As die roofdier of ‘n prooidier vasgekeer is en nie die vereiste aantal spasies kan beweeg nie, beweeg hulle so vêr moontlik en stop dan.
Geen spasie kan deur meer as 1 spelteken op ‘n slag beset word nie, en speltekens (roofdiere of prooi) mag nie oor ander speltekens spring nie – hulle moet om beweeg.
Geen roofdier of prooi spelteken mag op die vaste hindernisse op die bord beland nie.
Die laaste speler wat prooidiere op die bord het, behou die punte van hul oorblywende prooi en voeg dit by hul algehele telling.
As die tellings aan die einde gelyk is, wen die laaste persoon wat prooi op die bord het. Dieselfde reël geld vir die 2de, 3de en 4de plek.

Hindernisse

Aan die begin van die speletjie is daar geen verskuifbare hindernisse op die bord nie.
Wanneer ‘n speler dubbels gooi (enige getalle), moet hulle een van die vier hindernisse kies en dit enige plek op die bord plaas, terwyl dit steeds inpas met die patroon op die bord en nie oorvleuel met die permanente hindernisse nie. Die hindernis kan geplaas word voor, tydens of na die speltekens in daardie beurt beweeg het.
Die volgende persoon wat dubbels gooi, doen dieselfde met die volgende hindernis van hul keuse, en so gaan dit voort totdat al vier hindernisse op die bord is.
Wanneer al vier hindernisse reeds op die bord is en ‘n speler gooi dubbels, moet hulle enige een van die vier hindernisse wat reeds geplaas is, verwyder en dit na ‘n nuwe posisie verskuif. Jy moet elke keer ‘n hindernis plaas of verskuif wanneer dubbels gegooi word.