IMITHETHO

Inhloso

 

• Wonke umdlali unomhlaseli oyedwa kanye nezinyamazane ezinhlanu. Inhloso yomdlalo ukuqoqa amaphuzu ngokusebenzisa umhlaseli wakho ukubamba izinyamazane zabanye abadlali. Ukubamba inyamazane, umhlaseli wakho kumele ame kwisikhala esifana nesilwane esiyinyamazane. Ungabamba inyamazane engaphezu kweyodwa ngesikhathi.

• KUMELE UBE NEZINYAMAZANE UKUTHI UKWAZI UKUDLALA – mase zonke izinyamazane zakho zibanjiwe ususa umhlaseli wakho ebhodini mese umdlalo wakho ube usuyaphela. Ugcina wonke amaphuzu osuwaqoqile.

 

IMITHETHO

 

• Uqala umdlalo ngokubeka umhlaseli wakho endaweni yawo yokuqala ekhoneni lebhodi, nokubeka izinyamazane zakho noma yilaphi othanda khona (ofike kuqala uyena obeka kuqala).

• Umdlali omncanyane uyena oqalayo mese umdlalo uqhubeka ngakwesokudla.

• Ukunyakaza kumele uphose womabili amadayisi. Elilodwa idayisi ulisebenzisa ukunyakazisa umhlaseli wakho, elinye idayisi ulisebenzisa ukunyakazisa izinyamazane zakho. Umhlaseli unyakaza izikhala ezilingana nenombolo ekudayisi elilodwa. Unganyakazisa noma izinyamazane ezingakanani ukuthi zihlanganise inombolo evela kwidayisi lesibili. Isibonelo: Uma idayisi lakho liveza isihlanu, ungakhetha ukunyakazisa inyamazane eyodwa izikhala eziyisihlanu noma ukhethe ukunyakazisa izinyamazane ezinhlanu isikhala esisodwa noma ukhethe noma iyiphi inhlanganiso ehlanganisa izikhala eziyisihlanu.

• Kumele unyakazise umhlaseli wakho kanye nenyamazane okungenani eyodwa ngesikhathi. Awukwazi ukudlula ithuba lokudlala. Awukwazi ukunyakaza izikhala ezingaphansi kwalezi ezikumadayisi.

• Kwithuba lokudlala, awukwazi ukuthinta isikhala esisodwa ebhodini kabili. Uma umhlaseli noma inyamazane bevalelekile bengakwazi ukunyakaza izikhala ezifanalekile, banyakaza lezo zikhala abakwazi ukuzinyakaza mese bayama.

• Asikho isikhala esikwazi ukuba nesidlali esidlula esisodwa ngesikhathi, futhi izidlali (umhlaseli noma inyamazane) azikwazi ukujomba ezinye izidlali, kumele bajikeleze.

• Akekho umhlaseli noma inyamazane ekwazi ukuma kwingqinamba enganyakazi ebhodini.

• Umdlali wokugcina onezinyamazane ebhodini ugcina amaphuzu ezinyamazane zakhe ezisele mese azihlanganisa kwisibalo sabo sesiphelele.

• Uma izibalo zilingene ekupheleni komdlalo, umnqobi kuba umdlali ogcinile ukuba nezinyamazane ebhodini. Lokho kubala nomdlali ophuma indawo yesibili, neyesithathu, neyesine.

 

Izingqinamba

 

• Ekuqaleni komdlalo akukho zingqinamba ezikwazi ukunyakaza ebhodini.

• Uma kuvela izinombolo ezifanayo kumadayisi womabili (noma yiziphi izinombolo), Umdlali kumele akhethe ingqinamba eyodwa kuzingqinamba ezine mese ayibeka noma yilaphi ebhodini lapho ethanda khona, kufanele ayifanise nephethini yebhodi futhi ingeqelani nezingqinamba ezingakwazi ukunyakaza. Ingqinamba ingabekwa ngaphambili, ngesikhathi esisodwa noma mase sekunyakaze izidlali ngeleso sikhathi sokudlala.

• Umuntu olandelayo ophosa amadayisi afanayo, naye wenza okufanayo ngengqinamba elandelayo ayikhethayo, kanjalo kanjalo, izingqinamba zonke zize zibe ebhodini.

• Mase zonke izingqinamba zisebhodini mese umdlali aphose amadayisi afanayo, kumele basuse ingqinamba eyodwa kwezine ezisebhodini mese ayibeka endaweni entsha. Kumele ubeke noma ushintshe ingqinamba njalo amadayisi owaphosile mefana.